SA PERREDDA DE S'AVA
 

Unu tziu aiat una perredda de ava e cussa it sa richesa sua. De-viat mogher e detzidet de afidare sa perredda de s'ava a una co-mare.
- Coma', mi la mantenies custa perredda de ava? Canno ghiro mi la torrates e mi la semeno.
- Emmo, compa', moghite tranchillu.
Su tziu moghet e canno ghirat, annat a domo de sa comare.
- Coma', a mi la torrates sa perredda de s'ava?
- Comente apo a facher? Sa pudda si mi l'at mannicata.
- Coma', isseperate vois: o sa perredda de s'ava o sa pudda.
E si picat sa pudda.
E gai, s'unica richesa sua diventat sa pudda.
Deviat torra mogher e dimandat a una ichina:
- Mi la mantenies sa pudda e canno ghiro mi la torrates?
- Emmo! - Li risponnet sa ichina. - Moghite tranchillu.
Moghet e comente ghirat annat deretu a domo de sa ichina pro si nche ghirare sa pudda.
- Comente apo a facher? - Li narat sa ichina. -Sa pudda si l'at mannicata su porcu.
- Idite vois. D eo cherjo sa pudda e si nono mi pico su porcu.
E si picat su porcu.
Crediat de esser diventatu ricu e dae sa die manteniat su porcu comente una pessone.
Una die, devenne mogher, detzidit de lu dassare in custa domo ca b'aiat una bella istalla.
Moghet e ghirat a pustis de una chita e deretu annat a nche ghi-rare su porcu.
- Mi dispiachet - li narat sa mere de sa domo, - ma in s'istalla b'it unu caddu e chin d unu carche at mortu su porcu.
- A mie puru dispiachet pro su porcu, ma pro mene est mezus gai, ca gai mi nche ghiro su caddu.
- Cale caddu? Su caddu non fit su meu e su mere si nche l'at zai picatu.
- E tando ite mi torrates?
- No apo nudda, si no una perredda de ava.
- A mala gana mi pico cussa, ma da so torratu vene; so torratu dae ube so moghitu!