Navigation/Menü: Links auf weitere Seiten dieser Website und Banner
Limba e curtura de sa Sardigna
Benènnidos a su situ “Limba e cultura de sa Sardigna”, su jannile de limba e cultura sarda.
Mancari sa Sardigna siat parte de s´Italia, su faeddhu sardu no est pro nuddha unu dialettu de su italianu, ma una limba romanza a contu sou, chi, male fadada, s´esistenzia sua matessi in pirugulu mannu tenet. Mìria primaria de custu jannile est aggiuare su sardu chin custos provvedimentos.
Cumunicatzione: una lista de distributzione (sa-limba) e una tzarra pro promovere sa comunicatzione in limba sarda.
Informatzione: Documentos chi diant contu des sos tantos aspettos de su sardu, de sa grammatiga, de s´istoria, de pulitiga e de geografia limbistiga puru; iassos a sos sitos supra su sardu e de sa Sardigna
Documentos: Coglimentu de testos in limba sarda, impittendhe su jannile chin s´aggiudu de programmas limbisticos, e su archiviu de sos datos limbisticos háppidos dae sa mailing list e dae su chat.
Anàlisi limbìstica: istudiu e contivizzu de sos datos accudidos a su jannile, chin s´aggiudu de programmas limbisticos ideados dae sos cunlaburadores de su sito pro poter haere connoschenzia menzus de sas tantas istrutturas de sa limba sarda.
Custu jannile faghet parte de su fráigu ”Su sardu: istoria, istruttura, e mustrada multimediale” chi s´agatat in su Dipartimentu de Filologia Romanza de sa Freie Universität Berlin, a sa Cattedra de Prof. Guido Mensching [ ...] . Innantis su situ est istadu pessadu e postu in opera dae Guido Mensching candho ancora s´agataet in sa Universidade de Colonia, e pro cussu, custu jannile est connoschidu puru comente su situ de sa Universidade de Colonia.
