Navigation/Menü: Links auf weitere Seiten dieser Website und Banner
Limba e curtura de sa Sardigna
Benènnidos a su situ “Limba e cultura de sa Sardigna”, su ghennile de limba e cultura sarda.
Mancari sa Sardigna siat parte de s´Italia, su sardu no est pro nudda unu dialettu de s’italianu, ma una limba romànica a contu suo, chi, a dolu mannu, tenet s´esistenzia sua in perìgulu. S’ogetivu primàriu de custu ghennile est a agiudare su sardu cun custos provedimentos:
Comunicatzione: una lista de distributzione (sa-limba) e una tzarra (chat) pro promover sa comunicatzione in limba sarda.
Informatzione: Documentos chi dant contu de medas aspettos de su sardu, de sa grammàtica, de s´istoria, de polìtica e geografia linguìstica; links a sos sitos subra su sardu e sa Sardigna
Documentos: Regolta de testos in limba sarda (Sardinian Text Database) e archìviu de datos linguìsticos ottentos dae sa mailing list e dae su chat.
Anàlisi linguìstica: istùdiu de sos datos regortos dae su ghennile, cun s´agiudu de programmas linguìsticos ideados dae sos collaboratores de su situ pro poder connoscher mezus sas istrutturas de sa limba sarda.
Custu ghennile faghet parte de su progettu ”Su sardu: istoria, istruttura, e presentada multimediale” chi s´agatat in a sa Càttedra de Prof. Guido Mensching (Dipartimentu de Filologia Romànica de sa Freie Universität de Berlinu). Innantis su situ fit ideadu e postu in òpera dae Guido Mensching, cando s´agataiat galu in sa Universidade de Colònia, e pro cussu, custu ghennile est connottu puru comente su “situ de sa Universidade de Colònia”.
